გაკვეთილის გეგმა-"ადამიანი გაზეთის სვეტში"

გაკვეთილის თემა	ოთარ ჭილაძის ,,ადამიანი გაზეთის სვეტში,,
მასწავლებლის სახელი და გვარი	ფატმან კურტანიძე
სწავლების საფეხური	მე-9 კლასი
მოსწავლეთა რაოდენობა	24
გაკვეთილის მიზნები და  შედეგები	მოსწავლეთა კრეატიულობის უნარის ,კვლევისა და არგუმენტირებული მსჯელობის განვითარება.ნაწარმოების მხატვრულ-ლიტერატურული აღქმის უნარის გამომუშავება.პრობლემისა და უმთავრესი იდეის აღმოჩენის უნარის განვითარება.
ეროვნული სასწავლო გეგმით განსაზღვრული მიზნები და შედეგები	ქართ. IX. 6. მოსწავლეს შეუძლია პრობლემურ ან სადავო საკითხებზე სხვადასხვა თვალსაზრისის შემცველი მხატვრული და არამხატვრული ტექსტების გააზრება-გაანალიზება და მათ მიმართ საკუთარი დამოკიდებულების გამოხატვა. ქართ. IX. 9. მოსწავლეს შეუძლია სადავო ან პრობლემურ საკითხებზე საკუთარი თვალსაზრისის წერილობით გადმოცემა; მოცემულ საკითხზე განსხვავებული შეხედულებების შეჯამება.
წინასწარი ცოდნა	ნიკო ლორთქიფანიძის ნოველების,მიხეილ ჯავახიშვილის „მიწის ყივილისა“და ცნობილ მოღვაწეთა ცხოვრების მიხედვით თავისუფლების იდეის გააზრება
გაკვეთილის მსვლელობა	Aფაზა/ გამოწვევა აქტივობა 1, დრო- 5 წუთი მასწავლებელი კითხვა-პასუხის რეჟიმით მოსწავლეებს შეაპირისპირებინებს ლექსის ეპიგრაფსა და სახარებისეულ იგავს, ასევე, თავად სათაურს  გააზრებინებს ,ამით შექმნის ინტერესს ლექსის მიმართ.   Bფაზა-გაკვეთილის მსვლელობა აქტივობა 2.-7 წუთი ,,გონებრივი იერიშის“ საშუალებით,განვლილ მასალაზე დაყრდნობით,მოსწავლეები ჩამოაყალიბებენ, თუ რას ნიშნავს მათთვის სამშობლოს თავისუფლება. აქტივობა 3,- 7 წუთი  მასწავლებელი მოსწავლეებს წარმოადგენინებს მოძიებულ ისტორიულ და გეოგრაფიულ მასალას პანამის შესახებ, ასევე, ადამიანთა უფლებებისა და თავისუფლების შემლახველ ფაქტებს სლაიდებისა თუ ვიდეოს საშუალებით. აქტივობა 4. -7 წუთი მასწავლებელი მოსწავლეებს ყოფს წყვილად, რომ მათ გაუზიარონ ერთმანეთს შეხედულებები და მსჯელობის შემდეგ word-ში იმუშაონ ვენის დიაგრამაზე და წარმოაჩინონ ეროვნული და პიროვნული თავისუფლების საერთო და განმასხვავებელი ნიშნები.ასევე, იხსენებენ მაგალითებს რეალური პიროვნებების ცხოვრებიდან. აქტივობა 5,ლექსის ახსნა და გააზრება-15 წუთი ა)თეთრი ლექსის განმარტება და მისი წაკითხვის თავისებურება. ბ)კითხვის სტრატეგიის გამოყენებით ლექსის წაკითხვა. გ)პრობლემის წარმოჩენა და მსჯელობა პიროვნული და ეროვნული თავისუფლების შესახებ. C ფაზა-შეჯამება-4 წუთი აქტივობა 1. მასწავლებელი კითხვების საშუალებით არკვევს, თუ რამდენად გაითავისეს მოსწავლეებმა ახალი გაკვეთილი. აქტივობა2.მასწავლებელი მოსწავლეებს ავალებს ესეს-„ადამიანი ჰგავს იმ ქვეყანას,რომელსაც მისი სამშობლო ჰქვია“
შეფასების საგანი და პროცედურები	მოსწავლეები შეფასდებიან წინასწარ განსაზღვრული შეფასების რუბრიკის მიხედვით.
გამოყენებული რესურსები	სახარება,მე-9 კლასის სახელმძღვანელო ქართულ ენასა და ლიტერატურაში-ავტორები-ნინო ნაკუდაშვილი,ვახტანგ როდონაია,google.ge,wikipedia